Skip to main content

​
DCA (Dollar Cost Averaging) နှင့် BTD (Buying the Dip) တို့ရဲ့ ဂန္ထဝင်ယှဉ်ပြိုင်မှု

ရင်းနှီးမြှုပ်နှံမှုကို ခုမှစလေ့လာတဲ့သူတွေက မကြာခဏဆိုသလို မေးလေ့မေးထရှိနဲ့ မေးခွန်းလေးတွေရှိပါတယ်။ “ကျွန်တော်တို့ အချိန်ကြာကြာ တည်တည်ငြိမ်ငြိမ် ရင်းနှီးမြှုပ်နှံသင့်လား၊ ဒါမှမဟုတ် စျေးကျတဲ့ အခွင့်အရေးကို စောင့်ဆိုင်းသင့်သလား” ဆိုတဲ့ မေးခွန်းပါ။ အဲဒီမေးခွန်းအတွက် Dollar Cost Averaging လို့ခေါ်တဲ့ DCA နှင့် Buying the Dip လို့ခေါ်တဲ့ BTD အကြောင်းအရာနှစ်ခုကို မျှဝေပေးချင်ပါတယ်။ အဲဒီ မဟာဗျူဟာတွေရဲ့ ရေရှည်ရလဒ်တွေကို နှိုင်းယှဉ်ပြီးတော့ ဘယ်နည်းလမ်းက ကိုယ်နဲ့အသင့်တော်ဆုံးဖြစ်မလဲဆိုတာ ရွေးချယ်လို့ရပါတယ်။

​
(၁) Dollar Cost Averaging (DCA) နည်းဗျူဟာ

DCA ဆိုတာက စျေးကွက်အခြေအနေ တက်သည်ဖြစ်စေ ကျသည်ဖြစ် ဒါမှမဟုတ် တည်ငြိမ်နေတာပဲဖြစ်ဖြစ် သတ်မှတ်ထားတဲ့ ပမာဏကို သတ်မှတ်ထားတဲ့အချိန်အတွင်း ဥပမာ- တစ်နေ့တစ်ခါ၊ တစ်ပတ်တစ်ခါ၊ ဒါမှမဟုတ်တစ်လတစ်ခါ ပုံမှန်ရင်းနှီးမြှုပ်နှံတဲ့နည်းဗျူဟာပါ။ အဲဒီနည်းလမ်းက ရင်းနှီးမြှုပ်နှံသူတို့ရဲ့ စိတ်ခံစားမှုများကို အေးမျှအောင် လုပ်ပေးနိုင်ပါတယ်။ အဓိက အကျိုးကျေးဇူး: DCA ရဲ့ အဓိက အကျိုးကျေးဇူး က နာမည်အတိုင်း “ပျမ်းမျှရယူခြင်း (averaging)” ဖြစ်နေတာပါ။ စျေးတွေ မြင့်နေတဲ့အချိန်မှာ DCA နဲ့ token အနည်းငယ်ကို ဝယ်ယူနိုင်မှာဖြစ်သလို၊ စျေးကျနေချိန်မှာ token တွေကို ပိုပြီးဝယ်ယူနိုင်တာကြောင့် ကျွန်တော်တို့ရဲ့ စုစုပေါင်း ဝယ်ယူမှုစျေးနှုန်းက အချိန်ကြာလာသည်နှင့်အမျှ averaging လို့ခေါ်တဲ့ ပျမ်းမျှယူနိုင်နေတာပါ။ စိတ်ပိုင်းဆိုင်ရာ အကျိုးကျေးဇူးများ: DCA က ရင်းနှီးမြှုပ်နှံတာတွေကို စည်းကမ်းတကျ တည်ဆောက်ပေးပါသည်။ စျေးကွက်ရဲ့ အနိမ့်ဆုံးဈေးကို လိုက်ဖမ်းရန် စိတ်ဖိစီးမှုနဲ့ စိုးရိမ်ပူပန်မှုတွေကို ဖယ်ရှားပေးပြီး ရင်းနှီးမြှုပ်နှံတဲ့အခါ နှောင့်နှေးတာတွေကို ရှောင်ရှားနိုင်ဖို့ ကူညီပေးပါတယ်။ DCA က အချိန်ကိုက်ဝယ်နိုင်ဖို့မဟုတ်ဘဲနဲ့ စျေးကွက်ထဲမှာ အချိန်ကြာကြာရှိနေစေနေဖို့ ဖြစ်ပါတယ်။

​
(၂) Buying the Dip (BTD) နည်းဗျူဟာ

Buying the Dip က Crypto စျေးတွေ သိသိသာသာ ကျဆင်းသွားတဲ့အချိန်ကို စောင့်ဆိုင်းပြီးမှသာ ရင်းနှီးမြှုပ်နှံဖို့ ကြိုးစားတာဖြစ်ပါတယ်။—ဆိုလိုတာက အောက်ဈေးနှိုက်ပြီး စျေးပေါပေါနဲ့ “on sale” ဝယ်ယူဖို့ စောင့်နေတာ ဖြစ်တယ်။ လက်တွေ့ အခက်အခဲများ: BTD က စာသားအရသာနည်းထောင်လို့ကောင်းပေမယ့် လက်တွေ့မှာ အောင်မြင်ဖို့ ခက်ခဲနိုင်ပါတယ်။ အကြောင်းက ဈေးနှုန်း ၅% ကျဆင်းတာ ဒါမှမဟုတ် ၁၀% ကျဆင်းတာ စသဖြင့်ကို “Dip” လို့ခေါ်တာလား၊ ဘယ်အချိန်ကို Dip လို့ခေါ်ရမလဲ ဆိုတာတွေက ခန့်မှန်းရခက်ခဲသည်။ ကျွမ်းကျင်တဲ့ ရင်းနှီးမြှုပ်နှံသူတွေတောင်မှ စျေးကွက်ကို အချိန်ကိုက်ဝယ်ဖို့ဆိုတာ မလွယ်နေဘူးပါဘူး။ အခွင့်အလမ်းများ ဆုံးရှုံးခြင်း: သမိုင်းကြောင်းအရ စျေးကွက်က အချိန်ကြာလာတာနှင့်အမျှ တက်လာလေ့ရှိသည်။ ဒါကြောင့် ပြီးပြည့်စုံတဲ့ အခိုက်အတန့်ကို စောင့်ဆိုင်းနေတာက အခွင့်အရေးများအားလုံးကို လွဲချော်စေနိုင်သည်။ ၁၀% ဈေးကျတာကိုစောင့်ပြီးမှ ရင်းနှီးမြှုပ်နှံမယ်လို့ ဆုံးဖြတ်ထားရင် အမှန်တကယ် ၉% နဲ့ဈေးကျပြီး ပြန်တက်သွားရင် အခွင့်မရေးက လက်လွတ်ရပါပြီ။ ဒါဆို အောက်ဈေးနဲ့ရရင်တောင်မှ မဝယ်ဖြစ်တော့ဘူး။ အဲဒီလို အကြိမ်ကြိမ်အခါခါ လက်လွတ်နေရင် BTD ကိုရွေးဖို့ဆိုတာ စဉ်းစားစရာတွေဖြစ်လာနိုင်ပါတယ်။

​
(၃) Charles Schwab ၏ နှစ် ၂၀ ကြာ လေ့လာမှု ရလဒ်များ

ရင်းနှီးမြှုပ်နှံမှု မဟာဗျူဟာတွေက ရေရှည်မှာ အကျိုးသက်ရောက်မှု ဘယ်လိုဖြစ်လာမလဲဆိုတာကို Charles Schwab က စိတ်ကူးယဉ် ရင်းနှီးမြှုပ်နှံသူ ငါးဦး၏ စွမ်းဆောင်ရည်ကို ၂၀၀၃ ခုနှစ်ကနေ ၂၀၂၂ ခုနှစ်အထိ S&P 500 မှာ နှစ်စဉ် ဒေါ်လာ ၂,၀၀၀ စီ ရင်းနှီးမြှုပ်နှံမှု လုပ်ခဲ့ပါတယ်။ အဲဒီလေ့လာမှုက တည်တည်ငြိမ်ငြိမ် ရင်းနှီးမြှုပ်နှံတာက အချိန်ကိုက်စောင့်ဆိုင်းပြီးမှ ရင်းနှီးမြှုပ်နှံတာထက် များစွာ သာလွန်ကြောင်း တွေ့ရပါတယ်။ (၁) Peter Perfect ဆိုသူက နှစ်စဉ် စျေးကွက်၏ အနိမ့်ဆုံးအမှတ်တွင် အမြဲ ရင်းနှီးမြှုပ်နှံနိုင်သည့် စွမ်းအားရှိသူပါ။ (၂) Ashley Action က Lump-Sum ကိုသုံးတာဖြစ်ပြီး နှစ်တစ်နှစ်ရဲ့ ပထမဆုံးရက်မှာပဲ ရင်းနှီးမြှုပ်နှံမယ့် ဒေါ်လာ ၂,၀၀၀ လုံးကို ထည့်လိုက်တာပါ။ (၃) Matthew Monthly က DCA ကိုသုံးတာဖြစ်ပြီး ဒေါ်လာ ၂,၀၀၀ ကို တစ်နှစ်စာ၊ လစဉ် ၁၂ ကြိမ် ခွဲပြီး ပုံမှန်ရင်းနှီးမြှုပ်နှံသူပါ။ (၄) Rosie Rottton က ကံအဆိုးဆုံးလို့ရပြီး အမြဲတမ်း စျေးကွက်၏ အမြင့်ဆုံးမှပဲ ပိုက်ဘောနဲ့ ရင်းနှီးမြှုပ်နှံသူဖြစ်နေတာပါ။ (၅) နောက်ဆုံးတစ်ယောက်က Larry Linger ဖြစ်ပြီး သူက BTD နဲ့ ရင်းနှီးမြှုပ်နှံဖို့ ပြီးပြည့်စုံတဲ့ ၅% ဒါမှမဟုတ် ၁၀% ဈေးကျမယ့်အချိန်ကိုပဲ စောင့်ဆိုင်းနေတဲ့သူပါ။

​
(၄) ရလာဒ်က ဘာတွေဖြစ်လာခဲ့လဲ

သူတို့တွေအားလုံး နှစ် ၂၀ ကြာလို့ ရလာဒ်ကိုကြည့်တဲ့အခါမှာ Peter Perfect က ဒေါ်လာ ၁၃၈,၀၀၀ နဲ့ အကောင်းဆုံး ဖြစ်နေတာပါ။ သူက ဈေးကွက်ရဲ့ အနိမ့်ဆုံးမှာပဲ အမြဲဝယ်နိုင်တဲ့ သူဖြစ်နေလို့ ဒီလောက်ရတာ မဆန်းပါဘူး။ ဒုတိယနေရာက Ashley Action ဖြစ်ပြီး ဒေါ်လာ ၁၂၇,၀၀၀ ကျော်နဲ့ သူ့ရဲ့ရလဒ်ကလည်းမဆိုးပါဘူး။ သူ့ရဲ့ခံယူချက်က စျေးကွက်ထဲမှာ အချိန်ကြာကြာနေနိုင်ဖို့က အရေးကြီးတာကြောင့်လို့ ဆိုပါတယ်။ အကြောင်းက အချိန်ကြာလာလေလေ ဈေးတက်လာလေလို့ ရှေ့မှာပြောခဲ့ပြီးသားပါ။ တကိယက ဒေါ်လာ ၁၂၄,၀၀၀ ကျော်ရတဲ့ DCA သမားပါ။ သူက ဒုတိယရထားတဲ့ Ashley နှင့် သိမကွာပါဘူး။ DCA က စိတ်ခံစားမှုတွေ၊ ဈေးအတက်အကျတွေ၊ Oct 10-11 ကလို flash-crash တွေလို၊ Trump က ဘာကြောင့်ညာကြောင့် ဈေးကျတာတွေ ဘာမှ ထွေထွေထူးထူးလိုက်ကြည့်နေစရာမလိုပဲနဲ့ သတ်မှတ်ထားတဲ့အချိန်မှာ သတ်မှတ်ထားတဲ့ ပမာဏကို အလိုလျှောက် ထည့်လိုက်ရုံပါပဲ။ နံပါတ်လေးနေရာမှာက ကံအဆိုးဆုံးလို့ပြောတဲ့ မရိုစီဖြစ်ပြီး ဒေါ်လာ ၁၂၁,၀၀၀ ကျော်တောင်ရပါတယ်။ တကယ်တော့ အဲ့လောက်ရမယ်လို့ မမျှော်လင့်ထားတာတောင်မှ ရလဒ်က Good နေတုန်းပါ။ နောက်ဆုံး နံပါတ်ငါးက ဈေးကျကိုစောင့်ပြီးမှဝယ်မယ်ဆိုတဲ့ BTD သမားကြီး Larry Linger ဖြစ်ပြီး ဒေါ်လာ ၄၄,၁၃၀ နဲ့ တခြားသူတွေထက် အနည်းဆုံးဖြစ်နေတာပါ။ အချုပ်အားဖြင့်၊ စျေးကွက်ရဲ့အောက်ဆုံးမှာဝယ်တဲ့ Peter Perfect က သီအိုရီအရ အမြတ်အများဆုံး ရတယ်ဆိုပေမယ့်၊ ရေရှည် ရလဒ်က စျေးကွက်အတက်အကျမှာ လိုက်မျှောပြီးဝယ်ခြင်းထက် စျေးကွက်ထဲတွင် အချိန်ကြာကြာရှိနေခြင်းက အပေါ်မှာ နမူနာ သီအိုရီတွေပြခဲ့ပြီးသားပါ။ DCA နှင့် Lump-Sum လို တသမတ်တည်း ရင်းနှီးမြှုပ်နှံမှု မဟာဗျူဟာတွေက BTD လို ဈေးအကျကိုလိုက်စောင့်နေတာနဲ့ ဘာမှရေရေရာရာ မဝယ်ခြင်းထက် သိသိသာသာ သာလွန်နေတာကို တွေ့မြင်ရမှာပါ။

​
ဥယျာဉ်စိုက်ပျိုးခြင်း ဥပမာ (Analogy)

အဲဒီအယူအဆကို ပိုပြီးနားလည်လွယ်အောင် ဥယျာဉ်စိုက်မျိုးတဲ့ ဥပမာကိုနည်းနည်းကြည့်ရအောင်။ ရေရှည်စိုက်ပျိုးမယ့် ဥယျာဉ်မှူးသုံးဦးရှိတယ်ဆိုပါစို့။ Ashley (Lump-Sum): ပထမဆုံးနေ့ စိုက်ပျိုးရာသီအစမှာပဲ သူ့ရဲ့မျိုးစေ့အားလုံးကို ချလိုက်ပြီး၊ ရာသီဥတုအားလုံးကိုအပြည့်အဝရယူကာ ကြီးထွားလာမယ့် အခွင့်ကောင်းကိုထိုင်စောင့်နေသူဖြစ်ပြီး နှစ်အစကတည်းက စိုက်ထားတော့ သီးနှံတွေက ပျိုးပင်တိုင်းကထွက်တော့ နှစ်ကုန်မှာ မှန်းထားတာထက်ကို သီးနှံတွေပိုရနေသလိုပါ။ Matthew (DCA): အစေ့အနည်းငယ်စီကို ပုံမှန် (လစဉ်) ချပေးကာ ပျမ်းမျှကြီးထွားမှုကို ရယူပြီး ရာသီဥတု ဘာပဲဖြစ်ဖြစ် တွေဝေနေတာမျိုးမရှိပဲနဲ့ ပုံမှန်လေး စိုက်ပျိုးနေသူဖြစ်တော့ နှစ်ကုန်လို့ သီးနှံရတဲ့အခါ မှန်းထားသလို ရရှိလာတာပါ။ Larry Linger (Procrastinator/BTD): သူက အစေ့တွေအားလုံး ချဖို့ကို မိုးရွာမှရမယ်၊ မြေသြဇာကောင်းမှရမယ်၊ နေပူမှရမယ် စသဖြင့် စောင့်ဆိုင်းနေသူပါ။ ဒါပေမယ့် ရာသီဥတုဆိုတဲ့အတိုင်း မိုးက ဘယ်အချိန်ရွာမယ်ဆိုတာ မသိတော့ တိုင်တွေပတ်။ ဒီလိုနဲ့ အချိန်ကောင်းကို စောင့်ဆိုင်းနေတော့ အချိန်ကြာလာတာနဲ့ ကြီးထွားရာသီ အများစုကိုလွဲချော်ပြီး နှစ်ကုန်တော့ သီးနှံရိတ်သိမ်းမှုက အနည်းဆုံးပဲ ရပါတော့မယ်။ အဲဒီဥပမာအရ၊ အစောဆုံး စိုက်ပျိုးတဲ့ Lump-Sum ဒါမှမဟုတ် တသမတ်တည်း စိုက်ပျိုးခြင်း DCA က အချိန်ကောင်းကို စောင့်ဆိုင်းနေတဲ့ BTD ထက် ပိုမိုတဲ့ သီးနှံရိတ်သိမ်းတာတွေ ရလာတာကို တွေ့ရမှာပါ။ ဒါတွေက သီအိုရီအရသာ ဖြစ်ပါတယ်။ လက်တွေ့မှာ ကိုယ်နဲ့ ကိုက်ညီတဲ့ မဟာဗျူဟာ Strategy ကိုသုံးရမှာဆိုတော့ ဘယ်နည်းလမ်း ဘယ်မဟာဗျူဟာ Strategy ကိုသုံးဖို့ဆိုတာက ကိုယ့်ဘာသာ ဆုံးဖြတ်တာက ပိုပြီးသင့်တော်ပါလိမ့်မယ်။ ညီကိုတို့ရော ဘယ်နည်းဗျူဟာကို သဘောအကျဆုံးလဲ၊ တခြားသော နည်းဗျူဟာတွေရှိရင် အောက်က Comment မှာ တခြားညီကိုတွေပါသိအောင် ဆွေးနွေးပေးခဲ့ပါဦး။ ဒီအကြောင်းအရာတွေအားလုံးက အသိပညာမျှဝေဖို့အတွက်ပဲ ဖြစ်ပါတယ်။ ရင်းနှီးမြှုပ်နှံမှုတိုင်းမှာ Risk ဆိုတဲ့ အန္တရာယ်တွေရှိတာကြောင့် ဘယ်သူဘာပြောပြော Do Your Own Research(DYOR) လို့ခေါ်တဲ့ ကိုယ်တိုင်လေ့လာရှာဖွေဖို့ လိုပါလိမ့်မယ်။